20/02/2010.- Iniciando a Crise Irredutible

23/02/2010.- Na voráxine da matriz

24/02/2010.- Sobre a condición humana e a soidade

25/02/2010.- A Crise Irredutible subliñados

Unha entrevista de Rosa Enríquez no número 82 do Novas da Galiza, para falar de A Crise Irredutible.

Número 82 do Novas da Galiza

‘Soltouse o poeta, deixou as cordas para irse, ás veces un pouco cara á abaixo, outras cara á arriba. En ocasións ficou inmóbil, fitando arredor de si, cos seus ollos grandes. E pregúntome eu, é así como cómpre contemplalo todo? Sen perder ripio? Penso que si, que a observación atenta da realidade e a posterior reflexión dan lugar a traballos interesantes coma este que hoxe presentamos aquí, a poetización do caos que o capitalismo provoca, non só nas nosas vidas, mais tamén nas nosas conciencias, unha alteración da harmonía natural deturpada polos intereses que Momán retrata cunha precisión exacta que sorprende con cada verso.

O aparente figurante, observador de oficio, transcribe o dirixismo político existente e o imperialismo económico e cultural, sen arredrarse.

Non fai falla saber todo sobre Alberte, para captar o seu paso discreto polo medio da xente. Discreto e intelixente pois, sen caer na insolencia do snobismo porque si, por modernidade mal comprendida, con pretensións absurdas de diferenza, Momán decidiu un bo día soltarse, sen máis.’

Accede ao texto enteiro: A crise irredutible por Rosa Enríquez

Pertenzo e pertencemos /nós/ a un país sen estela propia/cincento/ e inseguro/ aplacado polo desexo asumido/ de ser como a xente’. Así considera o autor deste libro, ‘A crise irreductible’, que vivimos na Galiza, presionados pola ‘verdade’ cimentada na mentira social dunha esquerda que, segundo o propio poeta afirma nos seus versos, ‘adiantou pola dereita’ por mor de facer ‘carreira política’. Indomábel, Momán renuncia, a través da palabra, a formar parte da fraude globalizadora, da opresión a que nos somete o capitalismo e comprométese, esculcando nos buratos do incómodo, do que fica oculto detrás das teas vaporosas, dos ‘campos permanentemente en primavera’.

Segue a ler…

O pasado 27 de outubro, no Pub Uf de Vigo (Rúa do Pracer), celebrouse un novo Encontro organizado pola Porta Verde do Sétimo Andar. Aló gravouse este video no que estou a ler un texto pertencente á Crise Irredutible. Preme aquí para ver o video.

Artigo que Montse Dopico escribíu sobre A Crise Irredutible, no Galicia Hoxe do 10 de xuño.

• Nas librerías galegas, da man do Consorcio Editorial Galego.
• Na tenda virtual Amazon.com
• Na páxina de Lulu.com
• Na tenda virtual eLounge.com